تازہ ترین
Home / Tag Archives: sindh

Tag Archives: sindh

فروری کا مہینہ سندھ حکومت پر بہت بھاری ہوگا، منظور وسان کی نئی پیش گوئی

443303-t-1454325344-409-640x480

کراچی: سندھ کے صوبائی وزیر اور اپنے خوابوں کی وجہ سے مشہور منظور وسان نے کہا ہے کہ فروری میں حکومت سندھ پر مشکل اور کڑا وقت آنے والا ہے اور اگر سندھ پر مشکل آئی تو وفاق بھی نہیں بچے گا۔
سندھ اسمبلی میں اسپیکر آغا سراج درانی کے جانب سے چاروں صوبوں کے اراکین اسمبلی کے اعزاز میں ظہرانے کے موقع پر میڈیا سے بات کرتے ہوئے منظور وسان کا کہنا تھا کہ سندھ اور وفاق کے درمیان جو تناو¿ دیکھا جارہا ہے، اس سے اندازہ لگایا جاسکتا ہے کہ فروری کا مہینہ دونوں حکومتوں کے لئے کڑا اور مشکل ہو گا۔
پیپلز پارٹی کے رہنما کا کہنا تھا کہ رواں ماہ سندھ حکومت کےلئے بہت مشکل ہوگا اور اگر سندھ کے لئے مشکلات ہوئیں تو وفاق کےلئے بھی مشکلات پیدا ہوجائیں گی۔ انہیں دھواں اٹھتا ہوا دکھائی دے رہا ہے، یہ دھواں خیرپور سے ہوتا ہوا پنجاب تک بھی جائے گا۔

2016 مشکل سال لیکن سندھ میں امن رہے گا،منظوروسان کی نئی پیش گوئی

426224-manzoorwasan-1451976064-968-640x480
اسلام آباد: پیپلزپارٹی کے رہنما اورسابق وزیر داخلہ سندھ منظور وسان کہتے ہیں کہ نیا سال 2016 مشکل ہوگا لیکن سندھ میں امن رہے گا۔سپریم کورٹ کے باہرمیڈیا سے بات کرتے ہوئے منظور وسان نے کہا کہ 2016 نسبتاً مشکل سال ہوگا مگر سندھ میں امن ہوگا، وہ سمجھتے ہیں کہ سندھ میں 80 کی دہائی والا امن دوبارہ آرہا ہے،آصف علی زرداری 2016 کے کسی بھی مہینے میں پاکستان آئیں گے۔رینجرزکے اختیارات کے حوالے سے ان کا کہنا تھا کہ ہرادارے کواپنی حدود میں رہ کرکام کرنا چاہیے، تناو¿ میں کمی بیشی ہوتی رہتی ہے لیکن امید ہے کہ رینجرزکے اختیارات کا معاملہ جلد حل ہوجائے گا۔ انہوں نے کہا کہ احتساب ہونا چاہئے مگر سب کا ہونا چاہئے اوراس کے لئے نیب کو فعال بنانا چاہیے۔اس سے قبل اسلام آباد ہائی کورٹ نے سپریم کورٹ نے سندھ اسمبلی کے حلقہ پی ایس 32 میں دوبارہ انتخاب کی درخواست مسترد کر تے ہوئے منظور وسان کی کامیابی آئین کے مطابق قراردے دی۔