تازہ ترین
Home / Tag Archives: Rana Sana Ullah

Tag Archives: Rana Sana Ullah

تحریک انصاف اصل میں تحریک انتشار ہے،رانا ثناءاللہ

519026-ranasanaullah-1464075729-832-640x480

لاہور: وزیر قانون پنجاب رانا اثنا اللہ کہتے ہیں کہ تحریک انصاف اصل میں تحریک انتشار ہے۔لاہورمیں میڈیا سے بات کرتے ہوئے رانا ثنا اللہ نے کہا کہ پنجاب حکومت کسانوں کے مسائل حل کرنے کے لئے سنجیدہ ہے، چیئرنگ کراس مال روڈ پر دھرنا دینے والے کسانوں سے مذاکرات کامیاب رہے تھے لیکن تحریک انصاف کے رہنما اور شیخ رشید کسانوں کو اکساتے رہے جس کی وجہ سے پورا شہر متاثر ہوا۔صوبائی وزیر قانون نے کہا کہ تحریک انصاف اصل میں تحریک انتشار ہے، تحریک انتشار نے کسانوں کو بھی بھڑکایا، کسانوں کے نمائندوں نے بتایا کہ تحریک انصاف نے انہیں خریدنے کی کوشش کی، ہم کسانوں کوورغلانے کامقدمہ عوام کی عدالت میں درج کرائیں گے، عوام خود 2018 کےانتخابات میں ان کےخلاف فیصلہ سنا دیں گے۔

دنیا میں پاکستانی اپوزیشن سے زیادہ کوئی احمق نہیں، رانا ثنااللہ

514183-tw-1463475672-236-640x480

لاہور: صوبائی وزیر قانون رانا ثنااللہ کا کہنا ہے کہ گزشتہ روز قومی اسمبلی میں وزیر اعظم کے اظہار خیال نے اپوزیشن کے چاروں شانے چت کردیئے جس کے باعث وہ واک آو¿ٹ کا بہانہ بناکر بھاگ کھڑے ہوئے۔پنجاب اسمبلی کے باہر میڈیا سے بات کرتے ہوئے پنجاب کے وزیر قانون رانا ثنااللہ کا کہنا تھا کہ جمہوریت میں ہر ایک کو سب کہنے کا حق ہے اور جمہوریت میں وزیر اعظم سے استعفٰے کا مطالبہ بھی کیا جاسکتا ہے۔ پارلیمنٹ میں نوازشریف نے کہہ دیا تھا کہ تمام پارلیمانی لیڈر بیٹھ کرٹی اوآرزپربات کریں انہوں نے اپنے سچ کے ذریعے اپوزشن کو چاروں شانے چت کردیا اور اپوزیشن میں شامل ہررکن کا چہرہ مرجھایا ہوا دکھائی دیا جس کے بعد اپوزیشن نے بھاگنے میں ہی عافیت سمجھی جبکہ عمران خان بھی نہیں بولے کیونکہ وہ تیاری کرکے نہیں آئے تھے کیا وہ بچے ہیں کہ جن کے منہ میں خورشید شاہ نے چوسنی دی ہوئی تھی اور وہ نہیں بولے۔ عمران خان قوم کوخود بتائیں کہ وہ سب سے پرانے چورہیں اورسب سے پہلے آف شور کمپنیاں انہوں نے بنائیں۔وزیر قانون کا کہنا تھا کہ اپوزیشن انتشارچاہتی ہے تاکہ ملک ترقی نہ کرسکے دنیا میں پاکستانی اپوزیشن سے ذیادہ احمق کوئی نہیں دیکھا 7 سوالوں کے جواب نہ ملے تو 70 سوال تیار کرلئے۔ اور دعوے کررہے ہیں کہ 700 سوالات کریں گے۔سینٹ میں اپوزیشن لیڈراعتزازاحسن کو تنقید کا نشانہ بناتے ہوئےصوبائی وزیر قانون کا کہنا تھا کہ سی پیک منصوبے کوناکام بنانے کےلئے ہمسایہ ملک نے بھاری پیسہ خرچ کیا اورلگتا ہے کہ ہمسایہ ملک نے اب اعتزازاحسن کو بھی بھاری فیس ادا کی ہے۔ اپوزیشن میں شامل شیخ رشید کے حوالے سے ان کا کہنا تھاکہ شیخ رشید گزشتہ 15 سے 20 سال پہلے کی چالاکیاں کرنے کی کوشش کررہے ہیں لیکن 2016 کے دورمیں یہ چالاکیاں اور افواہیں کامیاب نہیں ہوسکتیں۔

حقوق نسواں بل ہر اس عورت کےلئے ہے جس پر ظلم ہو، رانا ثنا اللہ

470383-ranasanaullah-1457940613-166-640x480

فیصل آباد: وزیر قانون پنجاب رانا ثنا اللہ کہتے ہیں کہ حقوق نسواں بل صرف میاں بیوی کےتعلق تک محدود نہیں بلکہ یہ ہر اس عورت کے لئے ہے جس پر ظلم ہوا ہے۔فیصل آباد میں میڈیا سے بات کرتے ہوئے رانا ثنا اللہ نے کہا کہ حقوق نسواں بل صرف میاں بیوی کےتعلق تک محدود نہیں۔ یہ ہر اس عورت کےلئے ہے جس پر ظلم ہوا ہے، کیا عورتوں کے چہروں پر تیزاب پھینکا جانا چاہیے، کیا خواتین کی ہڈیاں توڑی جانی چاہئیں۔ اس قسم کے مسائل کی روک تھام کے لیے ہی ویمن پروٹیکشن بل لایا گیا ہے،جو بھی اس بل کی خلاف ورزی کرے گا وہ قانونی شکنجے میں آئے گا۔ انہوں نے کہا کہ علمائے دین سے مشاورت کے بعد حقوق نسواں بل میں ترمیم کی جائے گی۔وزیر قانون پنجاب نے کہا کہ چوہدری پرویز الہیٰ وزیراعلیٰ پنجاب سے حسد میں جلتے رہیں گے، وہ جو خواب دیکھ رہے ہیں وہ کبھی پورے نہیں ہوں گے۔ نیب پنجاب میں متحرک ہے، وہ نیب کوخود انکوائری کی دعوت دے رہے ہیں۔ نیب پنجاب بینک اسکینڈل پر بھی کام کرے گی، پنجاب بینک میں 50 ارب کا فراڈ پرویزالٰہی کے کہنے پر ہوا، اس اسکینڈل میں چوہدری پرویز الہیٰ کو ہتھکڑیاں لگ سکتی ہیں۔ ایم کیو ایم کے رہنماو¿ں کی بغاوت کے حوالے سے ان کا کہنا تھا کہ حکومت کو کراچی کا امن عزیز ہے چاہے وہ ایم کیو ایم کی صفائی سے ہو یا کچرے کی صفائی سے ہو۔

نیب ملک میں سرمایہ کاروں کو پریشان کررہی ہے، رانا ثنا اللہ

454315-ranasanaullah-1455775866-433-640x480

لاہور: پنجاب کے وزیر قانون رانا ثنا اللہ کا کہنا ہے کہ نیب سرمایہ کاروں کو تنگ کررہی ہے اور اگر سرمایہ کار چلے گئے تو پھر یہاں ہم اور سیکیورٹی گارڈز ہی رہ جائیں گے۔ پنجاب اسمبلی کے باہر میڈیا سے بات کرتے ہوئے رانا ثنا اللہ نے کہا کہ ہم نیب سے کسی سیاست دان کی انکوائری کا نہیں کہتے، نیب کا موثر کردار کرپشن کے خاتمے اور شفافیت کے لئے انتہائی ضروری ہے، نیب پر کوئی دباو¿ نہیں ہے، وزیر اعظم چاہتے ہیں کہ نیب مزید ذمہ داری سے کام کرے، اسی لئے انہوں نے نیب کو ذمہ داری سےکام کرنےکی ہدایت کی ہے، نیب کی جانب سے سرمایہ کاروں کو ہراساں کیا جا رہا ہے، اگر سرمایہ کار چلے گئے تو پھر ملک میں ہم اور سیکیورٹی گارڈز ہی رہ جائیں گے۔رانا ثنا اللہ نے کہا کہ میاں منشا کو بلاوجہ 2،2 گھنٹے نیب آفس میں بٹھایا جاتا ہے، 25 سال پہلے ٹرانزیکشن پرمیاں منشا کے خلاف کارروائیاں اچھی بات نہیں، وہ سمجھتے ہیں کہ ماضی کے کیسز کھولنے کے بجائے نئے کیسز کی تحقیقات ہونی چاہیے، ہماری حکومت کے وقت سے احتساب شروع کریں اور جھگڑا ختم کریں۔صوبائی وزیر کا کہنا تھا کہ لاہور میں پہلے ہر دس پندرہ دن میں حملے ہوا کرتے تھے جب کہ کراچی میں پہلے کئی کئی لاشیں ملتی تھیں، سیکیورٹی فورسز نے آپریشن ضرب عضب میں بڑی کامیابی حاصل کی ہے، جس کی وجہ سے حالات پہلے سے بہت بہتر ہیں،کئی دہشت گردوں کو کارروائیوں سے پہلے پکڑا ہے، پنجاب کے دیہی اور شہری علاقے محفوظ ہیں، کراچی کے حالات بھی بہتر ہوگئے ہیں دہشت گردی کے مکمل خاتمے تک اکا دکا واقعات ہوتے رہیں گے۔