تازہ ترین
Home / Tag Archives: pakistan

Tag Archives: pakistan

حکمران قوم کی دولت عیاشیوں اورمیٹروٹرین پرخرچ کررہے ہیں، عمران خان

441984-ImranKhan-1454147066-717-640x480
پشاور: تحریک انصاف کے چئیرمین عمران خان کا کہنا ہے کہ جو رقم قوم پرلگنی چاہئے وہ عیاشیوں اورمیٹروٹرین پرخرچ ہورہی ہے۔
پشاور میں تقریب سے خطاب کے دوران عمران خان نے کہا کہ صحت اورتعلیم کے منصوبوں پر توجہ دینے سے قوم ترقی کرتی ہے۔ اس وقت ملک میں ڈھائی کروڑ بچے اسکول ہی نہیں جاتے لیکن حکومت کو اس کی پروا نہیں، قومی دولت ایک مخصوص مراعات یافتہ طبقے پر لگائی جارہی ہے۔ انہوں نے کہا کہ جو رقم قوم پرلگنی چاہئے وہ عیاشیوں اورمیٹروٹرین پرخرچ ہورہی ہے، خیبر پختونخوا میں سب سے زیادہ رقم تعلیم اورصحت پرلگائی جارہی ہے کیونکہ قومی دولت انسانوں پر لگانا ہی اصل سرمایہ کاری ہے، جو قوم کی تعمیر کرتے ہیں انہیں قرضے نہیں لینے پڑتے۔
چیئرمین تحریک انصاف کا کہنا تھاکہ ہمارے حکمرانوں کی دولت بیرون ملک میں ہے، وہ خود ٹیکس نہیں دیتے اس لئے عوام بھی ٹیکس ادا نہیں کرتے اوراس کا بوجھ عوام پرڈالاجارہا ہے۔ عالمی مارکیٹ میں تیل 80 فیصد سستاہواجس کا عوام کو فائدہ نہیں پہنچا۔ وہ واحد سیاستدان ہیں جسے قوم دل کھول کرپیسے دیتی ہے۔ اگران کی حکومت آئی تو اسی عوام سے ٹیکس وصول کرکے دکھائیں گے۔
عمران خان نے کہا کہ اگرہمیں اپنے اداروں کو بچانا ہے تو ان کے خود مختاربورڈ ہونے چاہئیں، اگر پچھلے ڈھائی برسوں میں خیبرپختونخوا میں کوئی تبدیلی نہیں آئی تو اس کا مطلب ہے وہ اورپرویزخٹک ناکام ہوگئے۔ انہوں نے کہا کہ غیرسیاسی صرف جانورہوتے ہیں، ہرن سیاسی ہوں تومل کرشیرپرحملہ کردیں، اگر100 ہرن مل کر شیرپرحملہ کردیں تووہ بھاگ جائے گا۔

گینگ وار کا سرغنہ عزیر بلوچ 90 روزہ ریمانڈ پر رینجرز کے حوالے

441855-UzairWeb-1454128311-636-640x480

کراچی: انسداد دہشت گردی کی عدالت نے لیاری گینگ وار کے سرغنہ عزیر بلوچ کو 90روزہ ریمانڈ پر رینجرز کی تحویل میں دے دیا۔
رینجرز حکام لیاری گینگ وار کے سرغنہ عزیر بلوچ کو عدالت میں پیش کرنے کے لیے انتہائی سخت سیکیورٹی میں سندھ ہائی کورٹ پہنچے تو اس دوران رینجرز اور پولیس کی بھاری نفری پہلے سے عدالت کے اطراف موجود تھی جب کہ اس موقع عدالت کے داخلی و خارجی دروازوں پر بھی رینجرز اہلکار تعینات تھے۔ رینجرز حکام نے انتہائی سخت سیکیورٹی حصار میں عزیر بلوچ کو سر پر کپڑا ڈھانپ کراور ہاتھوں میں ہتھکڑی لگا کرانسداد دہشت گردی کی عدالت کے منتظم جج سید محمد فاروق شاہ کے روبرو پیش کیا جہاں عدالت کے حکم پر رینجرز حکام ملزم کو چیمبر میں لے گئے اور عدالت سے 90 روزہ ریمانڈ کی استدعا کی۔
رینجرز نے فاضل جج کے رو برو عزیر بلوچ کے خلاف مقدمات سے متعلق رپورٹ پیش کی اور مو¿قف اختیار کیا کہ عزیر جان بلوچ کو آج کراچی کے مضافاتی علاقے سے گرفتار کیا گیا ہے جب کہ ملزم کے خلاف مختلف نوعیت کے 55 مقدمات درج ہیں جس کی تفتیش کے لیے ملزم کو 90 روزہ جسمانی ریمانڈ پر رینجرز کی تحویل میں دیا جائے، عدالت نے رینجرز کا مو¿قف سننے کے بعد عزیر بلوچ کا 90 روزہ ریمانڈ منظور کرتے ہوئے ملزم کو رینجرز کی تحویل میں دے دیا۔رینجرز حکام نے ملزم سے تفتیش کے لیے جوائنٹ انویسٹی گیشن ٹیم بنانے کی بھی درخواست کی جسے عدالت نے منظور کرتے ہوئے جے ا?ئی ٹی بنانے کی اجازت دے دی۔
عدالت سے ریمانڈ حاصل کرنے کے بعد رینجرز حکام جب عزیر بلوچ کو لے کر عدالت سے باہر نکلے تو ملزم کے چہرے سے کپڑا ہٹا دیا گیا تھا اور اسے میڈیا کے سامنے پیش کرتے ہوئے رینجرز اپنی ساتھ لے گئی۔ ذرائع کے مطابق عزیر بلوچ کو 90 روزہ ریمانڈ کے دوران کراچی کے میٹھا رام ہاسٹل میں رکھا جائے گا۔
ادھر عزیر بلوچ کے وکیل کا کہنا ہے کہ رینجرز نے اپنے کاغذات میں عزیر بلوچ کی گرفتاری چاکیواڑہ سے ظاہر کی ہے جب کہ ملزم کے خلاف عدالت میں مقدمات کی کوئی فہرست پیش نہیں کی گئی اور نہ ہی ہمیں ملزم سے بات کرنے دی گئی۔
اس سے قبل ہفتے کی صبح ترجمان رینجرز کی جانب سے بیان جاری کیا گیا تھا کہ لیاری گینگ وار کے سرغنہ عزیر بلوچ کو گرفتار کر لیا گیا ہے، عزیر بلوچ کو کراچی کے مضافاتی علاقے سے اس وقت گرفتار کیا گیا جب وہ شہر میں داخل ہونے کی کوشش کررہا تھا۔ ترجمان کے مطابق ملزم سے سے اسلحہ بھی برآمد ہوا۔
ترجمان رینجرز کے مطابق عزیر بلوچ قتل، اقدام قتل اور بھتہ خوری سمیت 50 سے زائد مقدمات میں پولیس کو مطلوب تھا اور بہت عرصے سے مفرور تھا۔ ترجمان نے کہا کہ عزیر بلوچ کو انٹر پول کی مدد سےگرفتار کرنے کے لیے کراچی پولیس کی ٹیم خلیجی ملک گئی تھی اور ملزم کو دبئی میں گرفتار بھی کرلیا گیا تھا تاہم قانونی پیچیدگیوں اور کمزور شواہد کی بناءپر ملزم کو پاکستان کے حوالے نہیں کیا جاسکا۔
واضح رہے عزیر بلوچ ارشد پپو قتل کیس سمیت بھتہ خوری، اغوا برائے تاوان سمیت دیگر اہم مقدمات میں پولیس کو مطلوب تھا۔

حکومت کا افتخار چوہدری سے بلٹ پروف گاڑی واپس لینے کیلئے عدالت جانے کا فیصلہ

438367-IftikharChaudhry-1453639117-716-640x480

اسلام آباد: وزارت قانون نے سابق چیف جسٹس افتخارمحمد چوہدری کودی گئی سرکاری بلٹ پروف گاڑی واپس لینے کے لئے ہائی کورٹ سے رجوع کرنے کا فیصلہ کیا ہے۔جیو پاکستان کے مطابق وفاقی وزارت قانون نے سابق چیف جسٹس آف پاکستان جسٹس ریٹائرڈ افتخار محمد چوہدری کو دی گئی بلٹ پروف گاڑی واپس لینے کے لئے درخواست کا مسودہ تیار کرلیا ہے۔ یہ درخواست اسلام آباد ہائی کورٹ میں دائر کی جائے گی،جس میں موقف اختیار کیا جائے گا کہ سابق چیف جسٹس کو عدالت کے حکم پر سرکاری بلٹ پروف گاڑی دی گئی تھی لیکن اب انہوں نے باضابطہ طور پر سیاست میں قدم رکھ دیا ہے، اس لئے وہ یہ گاڑی رکھنے کے اہل نہیں، اگر انہیں گاڑی رکھنے کی اجازت دی گئی تو ملک کے دیگر سیاستدان بھی سرکاری بلٹ پروف گاڑیاں مانگیں گے۔واضح رہے کہ عدالت کے حکم پر سابق چیف جسٹس افتخار محمد چوہدری کو سرکاری بلٹ پروف گاڑی فراہم کی گئی تھی جس کے تمام اخراجات بھی وزارت قانون ہی برداشت کرتی ہے۔

ون ڈے رینکنگ؛ جادوگر اسپنر پابندی کے باوجود ٹاپ ٹین میں شامل، عرفان کی بھی ترقی

438272-saeddajmal-1453633080-233-640x480

دبئی: انٹرنیشنل کرکٹ کونسل نے ون ڈے کرکٹ کی نئی رینکنگ جاری کردی ہے جس کے مطابق پابندی کو ایک برس سے زائد عرصہ گزر جانے کے باوجود جادوگر اسپنر سعید اجمل ٹاپ ٹین بولرز میں شامل ہیں جب کہ محمد عرفان بھی بہترین بولرز کی فہرست میں دسویں نمبر پر آگئے ہیں۔آئی سی کی جانب سے جاری ون ڈی رینکنگ کے مطابق 50،50 اوورز کے مقابلوں کے بہترین بلے بازوں کی فہرست میں کوئی بھی پاکستانی کھلاڑی ٹاپ ٹین میں جگہ نہ بناپایا، اس شعبے میں جنوبی افریقا کے اے بی ڈی ویلئیرز پہلے۔ بھارت کے ویرات کوہلی دوسرے ، جنوبی افریقا کے ہاشم آملہ تیسرے جب کہ نیوزی لینڈ کے کین ولیمسن چوتھے نمبر پر ہیں۔ بھارت کے آسٹریلیا کے خلاف بھرپور بیٹنگ کرنے والے روہت شرما نے آٹھ درجے چھلانگ لگا کر اپنے کرئیر کی بہترین پوزیشن نمبر 5 سنبھال لی ہے۔ سری لنکا کے دلشان چھٹے ، بھارت کے دھون ساتویں، آسٹریلیا کے میکسویل آٹھویں ، نیوزی لینڈ کے مارٹن گپٹل نویں اور ان کے ہم وطن روزٹیلر دسویں نمبر پر ہیں۔بولنگ میں نیوزی لینڈ کے ٹرینٹ بولٹ نے دو درجے ترقی پاکر پہلی پوزیشن پر قبضہ جما کر بنگلہ دیش کے شکیب الحسبن کو دوسرے نمبر پر دھیکیل دیا ہے۔ تیسرے نمبر پر آسٹریلیا کے مچل اسٹارک ہیں ، جبکہ جنوبی افریقا کے پاکستانی نڑاد اسپن بولرعمران طاہر، ڈیل اسٹین اور مورنی مورکل بالترتیب چوتھے، پانچویں اور چھٹے نمبر پر براجمان ہیں۔۔ نیوزی لینڈ کے ہنری ساتویں جب کہ آئی سی سی کی جانب سے پابندی کا شکار پاکستان کے مایہ ناز اسپنر سعید اجمل اب بھی آٹھویں پوزیشن پر رہتے ہوئے ٹاپ ٹین بولرز میں شامل ہیں۔ انگلینڈکے اینڈرسن نویں جبکہ پاکستان کے محمد عرفان دسویں نمبر پر ہیں۔آل راو¿نڈرز میں بنگلہ دیش کے شکیب الحسن پہلے ، پاکستان کے محمد حفیظ دوسرے ، سری لنکا کے دلشان تیسرے جبکہ آسٹریلیا کے میکسویل چوتھے نمبر پر ہیں۔ سری لنکا کے میتھیوز پانچویں پوزیشن سنبھالے ہوئے ہیں۔ چھٹے نمبر پر آسٹریلیا کے جے پی فالکنر، ساتویں نمبر پر افغانستان کے محمد نبی جبکہ بھارت کے رویندر جدیجا آٹھویں نمبر پر ہیں۔ انگلینڈ کے معین علی نویں اور آئر لینڈ کے اسٹرلنگ دسویں پوزیشن پر ہیں۔

پیٹرول 10 روپے 37 پیسے فی لیٹر سستا ہونے کا امکان

437617-petrol-1453545674-691-640x480
اسلام آباد: عالمی مارکیٹ میں خام تیل کی قیمت میں ریکارڈ کمی کے بعد اوگرا نے بھی آئندہ ماہ کے لئے پیٹرولیم مصنوعات کی قیمتوں میں 15 روپے تک کمی کی تیاریاں شروع کردی ہیں۔ اوگرا نے عالمی مارکیٹ میں خام تیل کی قیمتوں میں کمی کے تناظر میں آئندہ ماہ کے لئے پیٹرولیم مصنوعات کی قیمتوں میں ردو بدل کی سمری تیار کرلی ہے ۔ حکام کے مطابق پیٹرول کی قیمت میں 10 روپے 37 پیسے فی لیٹر، ہائی اسپیڈ ڈیزل 15 روپے فی لیٹر ، ہائی آکٹین کی قیمت 9 روپے ، مٹی کا تیل اور لائٹ ڈیزل 8 روپے 11 پیسے فی لیٹر سسستا کرنے کی تجویز دی گئی ہے۔پیٹرولیم مصنوعات کی قیمتوں میں کمی کی سمری 27 جنوری کو وزارت پیٹرولیم کو بھیجی جائے گی جہاں سے اسے وزارت خزانہ کو بھیجا جائے گا۔ 31 جنوری کو نئی قیمتوں کا نوٹی فکیشن جاری کیا جائے گا۔واضح رہے کہ عرب مارکیٹ میں خام تیل کی قیمت 13 برس کی کم ترین سطح  22 ڈالر فی بیرل کی سطح پر آچکی ہے۔

ڈیرہ اسماعیل خان میں سی ٹی ڈی کی کارروائی،3 دہشت گرد گرفتار

425585-arrested-1451889590-642-640x480

ڈیآئی خان: کاو¿نٹر ٹیررازم ڈیپارٹمنٹ نے ڈیرہ اسماعیل خان میں دہشت گردی کا بڑا منصوبہ ناکام بناتے ہوئے 3 دہشت گردوں کو گرفتار کرلیا۔کاو¿نٹرٹیررازم ڈیپارٹمنٹ پشاورکی جانب سے جاری بیان کے مطابق دہشت گردوں کی موجودگی کی اطلاع پر ی ٹی ڈی اہلکاروں نے ڈیرہ اسماعیل خان کے علاقے شہیدآباد میں کارروائی کی، آپریشن کے دوران سی ٹی ڈی نے 3 دہشت گردوں کو گرفتار کرکے ان کے قبضے سے 3 کلو بارودی مواد ، 2 دستی بم ، 25 فٹ بارودی تار، ڈیٹونیٹر بر آمد کرلئے۔سی ٹی ڈی حکام کا کہنا ہے کہ گرفتار کئے گئے دہشت گردوں کا تعلق کالعدم تنظیم سے ہے ، جو دہشت گردی کی منصوبہ بندی کررہے تھے، گرفتار دہشت گردوں کو نامعلوم جگہ پرمنتقل کرکے ان سے تفتیش شروع کردی گئی ہے۔

2016 مشکل سال لیکن سندھ میں امن رہے گا،منظوروسان کی نئی پیش گوئی

426224-manzoorwasan-1451976064-968-640x480
اسلام آباد: پیپلزپارٹی کے رہنما اورسابق وزیر داخلہ سندھ منظور وسان کہتے ہیں کہ نیا سال 2016 مشکل ہوگا لیکن سندھ میں امن رہے گا۔سپریم کورٹ کے باہرمیڈیا سے بات کرتے ہوئے منظور وسان نے کہا کہ 2016 نسبتاً مشکل سال ہوگا مگر سندھ میں امن ہوگا، وہ سمجھتے ہیں کہ سندھ میں 80 کی دہائی والا امن دوبارہ آرہا ہے،آصف علی زرداری 2016 کے کسی بھی مہینے میں پاکستان آئیں گے۔رینجرزکے اختیارات کے حوالے سے ان کا کہنا تھا کہ ہرادارے کواپنی حدود میں رہ کرکام کرنا چاہیے، تناو¿ میں کمی بیشی ہوتی رہتی ہے لیکن امید ہے کہ رینجرزکے اختیارات کا معاملہ جلد حل ہوجائے گا۔ انہوں نے کہا کہ احتساب ہونا چاہئے مگر سب کا ہونا چاہئے اوراس کے لئے نیب کو فعال بنانا چاہیے۔اس سے قبل اسلام آباد ہائی کورٹ نے سپریم کورٹ نے سندھ اسمبلی کے حلقہ پی ایس 32 میں دوبارہ انتخاب کی درخواست مسترد کر تے ہوئے منظور وسان کی کامیابی آئین کے مطابق قراردے دی۔

خواتین کوکابینہ میں 50 فیصد نمائندگی دینے کا بل قومی اسمبلی میں پیش

426208-nationalassembly-1451975027-678-640x480
اسلام آباد: ایم کیو ایم نے خواتین کوکابینہ میں 50 فیصد نمائندگی دینے کابل قومی اسمبلی میں پیش کردیا۔اسپیکرسردارایازصادق کی سربراہی میں قومی اسمبلی کا اجلاس شروع ہوا توایم کیوایم کی جانب سے خواتین کو کابینہ میں 50 فیصد نمائندگی دینے کا بل قومی اسمبلی میں پیش کیا گیا۔وفاقی وزیراطلاعات و نشریات سینیٹر پرویزرشید نے بل کی مخالفت کرتے ہوئے کہا کہ کابینہ میں کسی بھی فرد کی شمولیت اس کی صلاحیتوں کی بنیاد پرہوتی ہے جنس کی بنیاد پرنہیں، اس لئے بل کو قانون کے مطابق متعلقہ کمیٹی بھجوایا جائے جہاں غور کے بعد اسے ایوان میں پیش کیا جائے۔ اسپیکر نے وفاقی وزیر کی تجویز پر بل کمیٹی کو بھجوادیا۔بعد ازاں اسپیکر نے پیدائش، اموات اورازدواج رجسٹریشن ایکٹ میں ترمیم کا بل بھی قائمہ کمیٹی نے سپرد کردیا۔

سعودی عرب اورایران کے تنازع میں متوازن پالیسی اختیارکریں گے، سرتاج عزیز

426292-SartajAziz-1451985248-166-640x480

اسلام آباد: وزیراعظم کے مشیر برائے امور خارجہ سرتاج عزیز کا کہنا ہے کہ پاکستان کو سعودی عرب اور ایران کے درمیان کشیدگی پر تشویش ہے تاہم اس تنازع پر متوازن پالیسی اختیار کریں گے۔
قومی اسمبلی میں سعودی عرب اور ایران کے درمیان حالیہ کشیدگی پر مشیر خارجہ سرتاج عزیز نے پالیسی بیان دیتے ہوئے کہا کہ اس تنازع میں متوازن پالیسی اختیارکریں گے اور اس حوالے سے آیندہ چند روز میں پارلیمانی رہنماو¿ں کو ان کیمرہ بریفنگ دی جائے گی جب کہ پاکستان اوآئی سی کے رکن اور دوست ملک کی حیثیت سے معاملے کے حل کے لئے کردارادا کرنے کوتیارہے۔ انہوں نے کہا کہ سعودی عرب اور ایران کے سفارتی تعلقات متعدد بار منقطع ہوئے تاہم موجودہ حالات میں سفارتی تعلقات منقطع ہونے پر تشویش ہے، اس صورتحال سے دہشت گرد فائدہ اٹھا سکتے ہیں، ہمارے لئے اپنی سیکیورٹی کا تحفظ اولین ترجیح ہے۔اجلاس کے دوران قائدحزب اختلاف خورشید شاہ نے اپنا نکتہ نظر پیش کرنے کے لئے وقت مانگا اور بات کی اجازت نہ دینے پر ڈپٹی اسپیکرمرتضی جاوید عباسی سے تلخ کلامی بھی ہوئی جس کے بعد ڈپٹی اسپکر نے اپوزیشن کی تجویز پر تمام ارکان کو 2،2 منٹ بات کرنے کی اجازت دی۔ اس موقع پر خورشید شاہ کا کہنا تھا کہ اگرسعودی عرب ایران کامعاملہ نازک ہےتوحکومت ایوان کوان کیمرابریفنگ دے،پاکستان کو بے بس نہیں رہناچاہیےاورآگے بڑھ کرتنازع کاحل نکالیں،ذوالفقارعلی بھٹو کی طرح تمام مسلم امہ کو ایک جگہ بٹھائیں، سرتاج عزیزکل ہی تمام پارلیمانی رہنماو¿ں کوبلاکران کیمرہ بریفنگ دیں۔ انہوں نے کہا کہ سری لنکا کا دورہ اتنا اہم نہیں تھا،وزیراعظم کو ایران سعودی عرب سمیت دیگر مسلم ممالک جانا چاہئے تھا، ہمیں خوف ہے کہ موجودہ کشیدگی کی صورت میں کہیں پاکستان میدان جنگ نہ بن جائے۔ خورشید شاہ نے مشیر خارجہ سرتاج عزیز کے اسمبلی میں پالیسی بیان پر احتجاج کرتے ہوئے کہا کہ یہ وہی بیان ہے جودفترخارجہ نے لکھ کر مشیر خارجہ کودیااورپڑھنےکاکہا جب کہ یہ بیان ہم نے صبح اخبارات میں پڑھا ہے۔تحریک انصاف کی رہنما شیریں مزاری کا ایوان میں کہنا تھا کہ ماضی میں پاکستان مسلم امہ کی رہنمائی کرتا تھا اور آج مشیر خارجہ کہتے ہیں کہ سعودی وزیرخارجہ کے دورہ پاکستان کے بعد تفصیلی بیان دوں گا سرتاج عزیزکی تقریرکےبعدلگتاہےایران سعودی تنازع پراب تک پالیسی ہی نہیں بنائی۔ عوامی مسلم لیگ کے سربراہ شیخ رشید کا کہنا تھا کہ پاکستان3 سپر پاورز کا پڑوسی ہے، پاکستان کو اپنی اہمیت کااندازہ نہیں، اس وقت سب سے اہم ایشو یہ ہے کہ پاکستان خود کو کیسے بچائے جب کہ صاحبزادہ طارق اللہ نے ایوان میں تجویز پیش کی جائے سعودی عرب اور ایران کے تنازع پر ایک وفد بنایا جائے تو دونوں ملکوں کو مذاکرات پر قائل کرے۔

وی آئی پی پروٹوکول سے متصادم قوانین کی تفصیلات طلب

425571-VIPsecurityAFPx-1451887716-138-640x480

کراچی: سندھ ہائی کورٹ نے وی آئی پی پروٹوکول کےخلاف درخواست کی سماعت کے دوران درخواست گزار سے وی آئی پی پروٹوکول سے متصادم قوانین کی تفصیلات طلب کرلی۔
چیف جسٹس سندھ ہائی کورٹ جسٹس سجاد علی شاہ کی سربراہی میں بنچ نے وی آئی پی پروٹوکول کےخلاف انصاربرنی ٹرسٹ کی درخواست کی سماعت کی۔ سماعت کے دوران عدالت نے درخواست گزار کے وکیل سے استفسار کیا کہ کیا درخواست گزارٹرسٹی ہے، جس پر وکیل نے بتایا کہ درخواست گزار ٹرسٹ کا منیجر ہے اور یہ مفادعامہ کی پٹیشن ہے۔ عدالت عالیہ نے ریمارکس دیئے کہ قانون کےمطابق ٹرسٹ کے لئے یا تو ٹرسٹی پیش ہوسکتا ہے یا وکالت نامے کے ہمراہ وکیل، اس لئے اگر وکیل پیش ہونا چاہتے ہیں تو وکالت نامہ جمع کرایا جائے، جس پر وکیل نے اپنا وکالت نامہ جمع کرایا۔
سماعت کے دوران چیف جسٹس سجاد علی شاہ نے درخواست گزار کے وکیل سے استفسار کیا کہ وی آئی پی پروٹوکول کس قانون سےمتصادم ہے، وکیل کی جانب سے تسلی بخش جواب نہ ملنے پر عدالت نے ریمارکس دیئے کہ عدالت کو مطمئن کیا جائے کہ کس قانون کے تحت حکومت کو پروٹوکول کے لیے سڑکیں بند کرنے سے روکا جاسکتا ہے، ایک ہفتےمیں ان قوانین کاحوالہ دیں جو وی آئی پی پروٹوکول کی اجازت نہیں دیتے۔