تازہ ترین
Home / Tag Archives: Obama

Tag Archives: Obama

پاکستان سمیت جہاں بھی امریکی مفادات کو خطرہ ہو گا کارروائی کریں گے، براک اوباما

518334-obama-1463987637-625-640x480

ہنوئی: امریکی صدر براک اوباما نے طالبان رہنما ملا اختر منصور کی ہلاکت کی تصدیق کرتے ہوئے کہا ہے کہ پاکستان سمیت جہاں کہیں بھی امریکی مفادات کو خطرہ لاحق ہو گا تو کارروائی کریں گے۔ویتنام کے دورے پر موجود امریکی صدر براک اوباما کی جانب سے جاری ایک بیان میں کہا گیا ہے کہ طالبان سربراہ ملا اختر منصور کی ڈرون حملے میں ہلاکت بڑا سنگ میل ہے۔ ان کا کہنا تھا کہ ہم نے ایک ایسی جماعت کے سربراہ کو راستے سے ہٹا دیا ہے جو افغانستان میں القاعدہ کے ساتھ مل کر امریکا اور اس کے اتحادیوں کے خلاف حملوں کی منصوبہ بندی میں شامل تھا۔براک اوباما نے کہا کہ افغانستان میں امن کے قیام کے لئے کوششیں جاری رکھیں گے جب کہ پاکستان سمیت جہاں کہیں بھی امریکی مفادات کو خطرہ لاحق ہوگا کارروائی کریں گے۔ دوسری جانب وائٹ ہاو¿س کی جانب سے جاری بیان میں کہا گیا ہے کہ ملا اختر منصور کی ہلاکت افغان طالبان کے لئے بڑا دھچکہ ثابت ہو گی۔افغان صدر اور چیف ایگزیکٹو سمیت اہم طالبان کمانڈر ملا عبدالرو¿ف کی جانب سے بھی طالبان امیر کی ڈرون حملے میں ہلاکت کی تصدیق ہو چکی ہے تاہم طالبان کی جانب سے تاحال اس حوالے سے باقاعدہ تصدیق یا تردید نہیں کی گئی جب کہ پاکستان نے بھی ڈرون حملے میں ملا اختر منصور کی ہلاکت کی تصدیق نہیں کی ہے۔واضح رہے کہ 2 روز قبل امریکا کی جانب پاک افغان سرحد کے قریب احمد وال کے علاقے میں ڈرون حملے میں ملا اختر منصور کی ساتھی سمیت ہلاکت کا دعویٰ کیا گیا تھا۔

گن کلچر امریکی سماج کا حصہ بن گیا ہے، اوباما کا اعتراف

461306-obama-1456696120-567-640x480

واشنگٹن: امریکی صدر باراک اوباما نے اعتراف کیا ہے کہ گن کلچر امریکی سماج کا حصہ بن گیا ہے۔اوباما نے ریاست فلوریڈا کے شہر جیکسن ویل میں خطاب کرتے ہوئے کہا کہآپ سب نے یہ خبر سنی ہو گی کہ گزشتہ روز ایک مسلح شخص نے ہوسٹن میں فائرنگ کر کے 3 افراد کو ہلاک اور 14 دیگر کو زخمی کر دیا، انھوں نے کہا کہ فائرنگ اور اجتماعی قتل کے واقعات امریکا میں معمول کا حصہ بن گئے ہیں اور بہت سے امریکی اس سے متاثر ہو رہے ہیں۔باراک اوباما نے کہا کہ وہ سمجھتے ہیں کہ ہم ان واقعات سے لاتعلق نہیں رہ سکتے اور ہمیں اس کے تدارک کیلیے سوچنا ہو گا، انھوں نے کہا کہ امریکیوں کو سیکیورٹی فراہم کرنے کی بات کرنے والوں کو اس معاملے پر بھی توجہ دینی چاہیے۔

خدا کے احکامات پرعمل پیرا نیک لوگوں سے تقویت پاتا ہوں، اوباما

446155-obama-1454709080-758-640x480

واشنگٹن: امریکی صدر اوباما نے کہا ہے کہ مذہبی عقیدہ لوگوں کو خوف پر حاوی آنے اور ”مشترکہ انسانی ناطے“ کے شرف کو قبول کرنے میں معاون بن سکتا ہے۔انھوں نے یہ بات سالانہ ’قومی دعائیہ ناشتے‘ سے خطاب کرتے ہوئے کہی ”ایمان خوف سے چھٹکارے کا بہترین مداوا ہے“اوباما نے کہا ہے کہ مسیحیت میں عقیدے نے روز روز کے سابقہ پڑنے والے ڈر خوف پر حاوی آنے کی طاقت بخشی ہے، جیسا کہ اپنی بیٹی مالیا کی حفاظت کا معاملہ جب وہ اس سال کے اواخر میں کالج تعلیم کیلیے وائٹ ہاو¿س سے جائیں گی، یا پھر اِس قسم کا ڈر جو صدر کی حیثیت سے بیرون ملک فوجی کارروائیوں کے سلسلے میں ملکی فوج کو روانہ کرنے کے حوالے سے پیش آتا ہے۔
انھوں نے کہا کہ خوف کے عالم میں لوگ ”مختلف سوچ کے حامل لوگوں کیخلاف طیش میں آتے ہیں“، جن کے باعث، مایوسی اور نک چڑھا پن پر مبنی رویہ پروان چڑھتا ہے۔ تاہم اوباما نے کہا کہ آنھیں ”مختلف مذاہب سے تعلق رکھنے والے نیک لوگوں سے تقویت ملتی ہے، جو روزانہ خدا کے احکامات پر عمل پیرا ہوتے ہیں۔
میں دعاگو ہوں کہ بالآخر ہمارے اختلافات کم ہوں، چونکہ خدا میں بھروسہ ہم سب کو ایک ساتھ جوڑ کر رکھتا ہے“ یادرہے کہ ایک ہی روز قبل، بالٹی مور میں اسلامک سوسائٹی سے خطاب کرتے ہوئے، اوباما نے کہا کہ ”ہم ایک ہی کنبہ ہیں“۔ملک کو مضبوط بنانے کے حوالے سے، صدر نے مسلمان امریکیوں کا شکریہ ادا کیا۔ تاہم، انھوں نے تسلیم کیا کہ انھیں، بقول ان کے، ”انتہائی مسخ شدہ“ منفی خیالات پر مبنی رویہ جھیلنا پڑتا ہے، جب کبھی اسلامی شدت پسند دہشت گردانہ حرکات کے مرتکب ہوتے ہیں۔