تازہ ترین
Home / Tag Archives: KPK

Tag Archives: KPK

خیبر پختونخوا ایپکس کمیٹی کا اجلاس، آرمی چیف اورڈی جی آئی ایس آئی کی شرکت

483538-kpk-1459592463-935-640x480

پشاور: خیبر پختونخوا ایپکس کمیٹی کا اجلاس ہوا جس میں آرمی چیف اور ڈی جی آئی ایس آئی نے بھی شرکت کی۔آئی ایس پی آرکے مطابق کورہیڈ کوارٹرپشاورمیں ہونے والی صوبائی ایپکس کمیٹی کے اجلاس میں آرمی چیف جنرل راحیل شریف، کورکمانڈرپشاورلیفٹیننٹ جنرل ہدایت الرحمان، ڈی جی آئی ایس آئی لیفٹیننٹ جنرل رضوان اختر، وزیر اعلٰی خیبرپختونخوا پرویزخٹک، گورنراقبال ظفرجھگڑا اوردیگراعلٰی عسکری اورفوجی حکام نے شرکت کی ہے۔ایپکس کمیٹی کے اجلاس میں دہشت گردوں کے خلاف جاری آپریشن، امن وامان اورسیکیورٹی کی صورتحال اورآپریشن کے نتیجے میں نقل مکانی کرنے والے افراد کی بحالی پر تفصیلی غورکیا گیا.

خیبرپختونخوا اورفاٹا کے مختلف علاقوں میں 5.2 شدت کا زلزلہ

438232-Earthquake-1453622743-456-640x480

پشاور: ملک بھر کے مختلف شہروں میں زلزلے کے جھٹکے محسوس کیے گئے جس کی شدت 5.2 ریکارڈ کی گئی۔خیبر پختونخوا کے دارالحکومت پشاور سمیت سوات، مالاکنڈ، اپر دیر، لوئر دیر اور چترال کے علاقہ فاٹا کی مختلف ایجنسیوں میں بھی زلزلے کے جھٹکے محسوس کئے گئے۔ زلزلے سے لوگ خوف زدہ ہوکر اپنے گھروں سے باہر نکل آئے تاہم کسی قسم کے جانی نقصان کی اطلاع نہیں ملی۔زلزلہ پیما مرکزکا کہنا ہے کہ زلزلے کا مرکز کوہ ہندو کش میں 80 کلومیٹر کی گہرائی میں تھا اور اس کی شدت ریکٹر اسکیل پر 5.2 ریکارڈ کی گئی۔

پنجاب اور خیبر پختونخوا میں دھند، 3 ایئرپورٹس پر فلائٹ ایمرجنسی نافذ

438337-AirportFogWeb-1453637007-981-640x480

اسلام آباد: پنجاب اور خیبر پختونخوا کے بیشتر علاقوں میں شدید دھند کا راج برقرار ہے جس کے پیش نظر پی آئی اے نے 3 ایئرپورٹس پر فلائٹ ایمرجنسی نافذ کردی ہے۔پنجاب، خیبر پختونخوا اور آزاد کشمیر کے بیشتر علاقے شدید دھند کی لپیٹ میں ہیں جس کی وجہ سے جہاں عوام کو مشکلات کا سامنا کرنا پڑ رہا ہے وہیں ذرائع آمدو رفت بھی بری طرح متاثر ہوئے ہیں۔ اسلام آباد کے بے نظیر انٹرنیشنل ایئر پورٹ پر صرف ایک دن میں قومی ائر لائن کی اندرون اور بیرون ملک 6 پروازیں منسوخ 39 پروازیں تاخیر کا شکار ہوئیں، دھند میں کمی کے باعث 13 گھنٹے بعد اسلام آباد ایئرپورٹ پر پروازوں کی آمد ورفت بحال ہوئی تاہم پشاور کے باچا خان ایئرپورٹ اور ملتان ایئرپورٹ پر فلائٹ آپریشن مکمل طور پر بند ہے۔دھند کی صورت حال کو دیکھتے ہوئے پی آئی اے نے اسلام آباد، پشاور اور ملتان ایئرپورٹس پر آئندہ 3 روز کے لئے فلائٹ ایمرجنسی نافذ کردی ہے۔ ترجمان پی آئی اے دانیال گیلانی کا کہنا ہے کہ قومی ایئر لائن کے مسافر زحمت سے بچنے کے لئے پروازوں کی روانگی سے متعلق مکمل معلومات حاصل کرنے کے بعد ایئرپورٹ پر آئیں۔