تازہ ترین
Home / Tag Archives: Indian Kashmir

Tag Archives: Indian Kashmir

مقبوضہ کشمیر میں بھارتی فوج کی بربریت سے شہادتوں کی تعداد 23 ہوگئی

554068-kashmir-1468222683-624-640x480
مقبوضہ کشمیر: تحریک آزادی کے نوجوان کمانڈر برہان مظفر وانی کی شہادت کے بعد شروع ہونے والی احتجاجی لہر کو دبانے کے لئے بھارتی فوج کی کارروائیوں میں شہادتوں کی تعداد 23 ہوگئی جب کہ وادی میں کرفیو کا عالم ہے۔
جمعہ 8 جولائی کو مقبوضہ کشمیر میں شروع ہونے والے احتجاجی مظاہرے اب بھی جاری ہیں جب کہ قابض فوج کی فائرنگ سے زخمی ہونے والے مزید 2 افراد دم توڑ گئے جس کے بعد شہادتوں کی تعداد 23 ہوگئی۔ قابض حکومت نے کشمیریوں کی حق خودارادیت کی آواز کو دبانے کے لئے مقبوضہ وادی میں مزید فورسز کو تعینات کردیا جب کہ وادی میں کرفیو لگا رکھا ہے اور موبائل فون اور انٹرنیٹ سروسز بھی بند کردی گئی ہیں۔ انسانی حقوق کی تنظیموں کا کہنا ہے کہ اسپتالوں میں زخمیوں کی تعداد کے پیش نظر اور موبائل و انٹرنیٹ سروسز بند کیے جانے سے کشمیر میں ایمرجنسی جیسی صورت حال پیدا ہو گئی ہے۔
قابض حکومت نے جموں کشمیر لبریشن فرنٹ کے رہنما یاسین ملک کو سینٹر جیل میں قید کیا ہوا ہے جبکہ حریت رہنما میرواعظ عمرفاروق، شبیر شاہ اور سید علی گیلانی سمیت دیگر درجنوں رہنماو¿ں کو گھروں میں نظربند کر دیا گیا ہے۔ تحریک آزادی کے رہنماو¿ں کی جانب سے احتجاجی مظاہروں کی کال پر کشمیری عوام لبیک کہتے ہوئے سڑکوں پر آگئے جنہیں خوفزدہ کرنے کے لئے قابض فوج نے طاقت کا استعمال کیا جب کہ ہفتے کو ہی وزیراعلی محبوبہ مفتی نے اپنے بیان میں اعتراف کیا تھا کہ مظاہرین کے خلاف طاقت کا غیرمتناسب استعمال کیا گیا۔

مقبوضہ کشمیر میں مسلح افراد کا سرکاری عمارت پر قبضہ۔ 2 اہلکار ہلاک اور 11 زخمی

455707-army-1455972897-499-640x480

سری نگر: مقبوضہ کشمیر میں 3 مسلح افراد نے ایک سرکاری عمارت پر قبضہ کرلیا جبکہ سیکورٹی فورسز اور مسلح افراد کے درمیان فائرنگ کے تبادلے میں 2 اہلکار ہلاک اور 11 افراد زخمی ہوگئے ہیں۔
غیر ملکی اور بھارتی میڈیا کے مطابق 3 مسلح افراد نے پہلے پولیس چوکی پر فائرنگ کی اور کریکر پھینکا جس کے بعد وہ قریبی سرکاری عمارت میں داخل ہوگئےجبکہ قابض بھارتی فوج ز نے موقع پر پہنچ کر عمارت کو گھیرے میں لے لیا ہے اور فائرنگ کا تبادلہ جاری ہے جس میں اب تک 2 اہلکار ہلاک اور 11 زخمی ہوگئے ہیں۔سری نگر کے انسپیکٹر جنرل پولیس جاوید گیلانی کا کہنا ہے کہ 2 سے 3 مسلح افراد عمارت میں داخل ہوئے، جن کی فائرنگ سے سینٹرل پریزرو پولیس کے 11اہلکار زخمی ہوگئے۔پولیس حکام کا کہنا ہے کہ عمارت میں 60 سے 90 افراد موجود ہیں جبکہ فوج اور پولیس نے عمارت کو چاروں طرف سے گھیر کر مسلح افراد کے خلاف آپریشن شروع کردیا ہے۔