تازہ ترین
Home / Tag Archives: India

Tag Archives: India

پاک بھارت مذاکرات معطل نہیں ہوئے، بھارتی وزارت خارجہ

496148-Vikas-1461333911-294-640x480

نئی دلی: بھارت نے پاکستان کے ساتھ مذاکرات معطل ہونے کی اطلاعات کو مسترد کرتے ہوئے پاکستانی تفتیشی ٹیم کے دورہ پٹھان کوٹ کو مثبت پیش رفت قرار دیا ہے۔بھارتی میڈیا کے مطابق بھارتی وزارت خارجہ کے ترجمان وکاس سوارپ کا کہنا ہے کہ پاکستان کے ساتھ امن مذاکرات معطل نہیں کیے گئے ہیں جب کہ پاکستان جوائنٹ انویسٹی گیشن ٹیم کا دورہ پٹھان کوٹ مثبت اور باہمی تعاون کے ماحول میں ہوا جو ایک اچھی پیش رفت ہے۔ ان کا کہنا تھا کہ بھارت دہشت گردی کے خلاف ہر سطح کے تعاون کوخوش ا?مدید کرے گا۔ ترجمان نے یہ بات بھی واضح کرتے ہوئے کہا کہ اسلامآباد سے بھی کسی سطح پر مذاکرات معطل نہیں ہوئے البتہ ان میں کچھ وقفہ ضرور آیا ہے۔واضح رہے کہ پٹھان کوٹ حملے کے بعد سے دونوں ملکوں کے درمیان ہونے والے سیکریٹری سطح کے مذاکرات بھی معطل ہوگئے تھے اور بھارت کی جانب سے پاکستان پر بے بنیاد الزامات کا ایک نہ رکنے والا سلسلہ شروع ہوگیا تھا۔

بھارتی ٹیم نے اونچی چھلانگ لگا کرٹی ٹوئنٹی رینکنگ میں پہلی پوزیشن پرقبضہ جمالیا

443307-cric-1454326654-102-640x480

دبئی: انٹرنیشنل کرکٹ کونسل نے ٹی ٹوئنٹی کی نئی رینکنگ جاری کردی جس کے مطابق بھارتی ٹیم 10 درجے ترقی کے بعدآٹھویں سے پہلی پوزیشن پر آگئی۔آئی سی سی کی جانب سے جاری رینکنگ کے مطابق ٹی ٹوئنٹی سیریز میںآسٹریلیا کو وائٹ واش کرنے کے بعد بھارتی ٹیم 10 درجہ ترقی پاکر آٹھویں سے پہلی پوزیشن پر آگئی جب کہ شکست خوردہ آسٹریلوی ٹیم دوسری سے آٹھویں پوزیشن پر پہنچ گئی۔ رینکنگ میں ویسٹ انڈیز اور سری لنکا 118 پوائنٹس کے ساتھ دوسرے اور تیسرے نمبر پر ہیں جب کہ انگلینڈ چوتھے، نیوزی لینڈ پانچویں، جنوبی افریقا چھٹی اور پاکستان ساتویں پوزیشن پربراجمان ہے۔بلے بازوں کی رینکنگ میں بھارتی بیٹسمیں ویرات کوہلی سرفہرست ہیں جب کہ 10 بہترین بلے بازوں میں کوئی پاکستانی بیٹسمین شامل نہیں اور صرف عمراکمل 19ویں نمبر پر ہیں۔ بولنگ کے شعبے میں ویسٹ انڈیز کے اسپن بولر سنیل نارائن پہلی پوزیشن پر براجمان ہیں، بھارت کے روی چندرن ایشون دوسرے اور پاکستان کے ٹی ٹوئنٹی ٹیم کے کپتان شاہد آفریدی 10 بہترین بولرز کی فہرست میں تیسرے نمبر پر ہیں۔

بھارت میں بھاری فیسوں سے تنگ میڈیکل کی 3 طالبات نے اپنی زندگی کا خاتمہ کرلیا

438277-india-1453630399-346-640x480

چنائے: بھارت میں ایک ہی میڈیکل کالج کی 3 طالبات نے بھاری فیسوں اور غیر معیاری تعلیم کے خلاف احتجاجاً خودکشی کرلی۔بھارتی میڈیا کے مطابق ریاست تامل ناڈو کے ایک نجی میڈیکل کالج میں زیر تعلیم سیکنڈ ایئرکی 3 طالبات نے بھاری فیسوں اور کالج انتظامیہ کے نامناسب رویے کے خلاف احتجاجاً کنویں میں کود کر خود کشی کرلی۔ پولیس کو طالبات کی جانب سے لکھا گیا ایک خط بھی ملا ہے جس میں طالبات نے خودکشی کا ذمہ دار نجی میڈیکل کالج کے مالک اور کالج انتظامیہ کو قرار دیا ہے۔خط کے مطابق تینوں طالبات جن کا تعلق غریب اور متوسط طبقے سے تھا وہ فیس کی مد میں 6 ،6 لاکھ روپے جمع کروا چکی تھیں تاہم اس کے باوجود انتظامیہ کی جانب سے ان سے مزید فیس طلب کی جارہی تھی جس کی وجہ سے تینوں نے بھاری فیسوں کے خلاف احتجاجاً خودکشی کا فیصلہ کیا۔طالبات نے اپنی موت کا ذمہ دار بھی کالج انتظامیہ کو قرار دیتے ہوئے متعلقہ حکام سے کارروائی کا مطالبہ کیا ہے۔کالج میں پڑھنے والے دیگر طلبا کے مطابق نجی کالج میں بھاری فیسں وصول کرنے کے باوجود نہ تو ان کی باقاعدہ رسید فراہم کی جاتی ہے بلکہ تعلیم کا معیار بھی انتہائی خراب ہے اور کلاسز بھی باقاعدگی کے ساتھ نہیں ہوتیں جب کہ کسی قسم کی سہولیات بھی فراہم نہیں کی گئیں جس کی وجہ سے کالج کا لائسنس بھی منسوخ کیا جاچکا ہے۔واضح رہے کہ یہ واقعہ ایسے وقت پیش آیا ہے جب پورے بھارت میں طلبا حیدرآباد کی سینٹرل یونیورسٹی کے ایک دلت طالب علم طالب علم ویمیولا کی خودکشی کے خلاف احتجاج کررہے ہیں۔پی ایچ ڈی کے طالب علم روہت ویمیولا نے گزشتہ اتوار کو یونیورسٹی انتظامیہ کے رویے اور ہاسٹل سے نکالے جانے کے خلاف یونیورسٹی کی حدود میں خودکشی کرلی تھی۔