Friday , October 30 2020
تازہ ترین
Home / خواتین / بچوں کو سوفٹ ڈرنکس سے دور رکھیں

بچوں کو سوفٹ ڈرنکس سے دور رکھیں

images

لاہور(ویمن ڈیسک) بچوں کوسوفٹ ڈرنکس سے دور رکھےں۔ سوفٹ ڈرنکس کے بڑھتے ہوئے رجحان کی اصل وجہ بچوں میں ان کی پسندیدگی سمجھی جاتی ہے۔ تاہم حال ہی میں برطانیہ میں کی جانے والی ایک تحقیق میں انکشاف ہوا ہے کہ سوفٹ ڈرنکس تیار کرنے والی کمپنیز اپنے ڈرنکس کی مقبولیت کیلئے ان میں ایسے کیمیکلز بھی استعمال کر رہی ہیں جن کی موجودگی میں بچے ایسے ڈرنکس کے عادی ہوجاتے ہیں۔ دوسرے الفاظ میں بچوں کو ان ڈرنکس کی لت پڑجاتی ہے۔ برطانوی ہیلتھ ڈیپارٹمنٹ کے زیر اہتمام کی جانے والی اس تحقیق کا اصل مقصد سوفٹ ڈرنکس میں پھلوں کی اصل مقدار کو معلوم کرنا تھا۔اس حوالے سے بھی یہ انکشاف سامنے آیا ہے کہ ملک میں دستیاب تمام برانڈز میں سے کسی ایک میں بھی پھلوں کا اصل رس یا گودا پانچ فیصد سے زائد مقدار میں شامل نہیں تھا۔ اس حوالے سے ادارے کی رپورٹ کے مطابق ان ڈرنکس میں موجود کیمیکلز کا بنیادی مقصد اگرچہ ان ڈرنکس کو محفوظ بنانا ہی ہے تاہم یہی کیمیکلز پس پردہ بچوں کو ایسے ڈرنکس کا عادی بھی بناتے ہیں کیونکہ ان کیمیکلز میں نشہ آور خصوصیات موجود ہوتی ہیں۔ تحقیق کے مطابق سب سے زیادہ دھوکہ سٹرس جوس بنانے والی کمپنیز دیتی ہیں کیونکہ اکثریت کے جوسز میں نوے فیصد سٹرک ایسڈ اور دیگر ایسڈز موجود ہوتے ہیں جبکہ اصل سٹرس فروٹ کی مقدار زیادہ سے زیادہ پانچ فیصد تک ہوتی ہے۔رس بھری کے جوس میں پھل کے رس کی اصل مقدار محض0.1 فیصد پائی گئی۔ اس کا مطلب یہ ہے کہ آدھا لیٹر والی ایک بوتل میں جوس کے محض دس قطرے۔ ان جوسز میں چینی کی غیر معمولی مقدار موجود ہوتی ہے جو لیبل پر درج کی جانے والی مقدار سے بھی کہیں زیادہ ہوتی ہے۔ ماہرین کی رائے میں چینی کی اس مقدار جوس میں مٹھاس پیدا کرنے سے کوئی تعلق نہیں ہوتا ہے، یہی وجہ ہے کہ بعض اوقات ہم وہ جوسز جنہیں چینی سے پاک سمجھ کر استعمال کر رہے ہوتے ہیں، در حقیقت ہمارے جسم میں چینی کی غیر معمولی مقدار کے داخلے کا سبب بن رہے ہوتے ہیں۔ وےسے بھی بچوں کے کھانے پےنے پرنظر رکھنا ضروری ہوتا ہے کےونکہ اگرا س پر توجہ نہ دی جائے تو بچوں کاہاضمہ اورعادات بگڑجاتی ہےں۔ بچوں کوپھلوںکاجوس پلانا مفےد ہوتاہے۔

About geopakistan

Leave a Reply

Your email address will not be published. Required fields are marked *

*