تازہ ترین
Home / پاکستان / حکومت اپنے ترقیاتی ایجنڈے کو پورے ملک میں توسیع دینے کیلئے پرعزم ہے، وزیراعظم

حکومت اپنے ترقیاتی ایجنڈے کو پورے ملک میں توسیع دینے کیلئے پرعزم ہے، وزیراعظم

557430-NawazSharifWeb-1468569829-327-640x480
اسلام آباد: وزیراعظم نواز شریف کا کہنا ہے کہ حکومت اپنے ترقیاتی ایجنڈے پر پورے ملک میں پھیلانے کے لئے پر عزم ہے۔وزیراعظم نواز شریف سے پشتون ملی عوامی پارٹی کے سربراہ محمود خان اچکزئی نے اسلام آباد میں ملاقات کی جس میں بلوچستان میں جاری ترقیاتی منصوبوں کے علاوہ ملک کی مجموعی سیاسی صورتحال پر تفصیلی تبادلہ خیال کیا گیا۔اس موقع پر وزیراعظم نواز شریف کا کہنا تھا کہ حکومت اپنے ترقیاتی ایجنڈے کو پورے ملک میں توسیع دینے کے لئے پر عزم ہے جب کہ بلوچستان میں جاری میگا منصوبوں کے ثمرات سے وہاں کی عوام مستفید ہو گی۔ ان کا کہنا تھا کہ ہماری اجتماعی کوششوں سے بلوچستان میں امن و استحکام کی راہ ہموار ہو گی۔بعد ازاں وزیراعظم نواز شریف سے وفاقی وزیر برائے جہاز رانی و بندرگاہ میر حاصل بزنجو نے بھی ملاقات کی اور انھیں اپنی وزارت کے مختلف امور سے متعلق آگاہ کیا۔ اس کے علاوہ حاصل بزنجو نے وزیراعظم نواز شریف کے ساتھ بلوچستان کے معاملات پر بھی گفتگو کی۔ وزیراعظم نواز شریف کا کہنا تھا کہ ہماری حکومت ترقی اور کارکردگی پر یقین رکھتی ہے، عوام معیشت کے تمام شعبوں میں مثبت تبدیلی دیکھ رہے ہیں جب کہ ملک میں امن و امان کی مجموعی صورتحال بھی بہتر ہو چکی ہے، عوام کا ہماری پالیسیوں پر اعتماد ہی ہماری طاقت ہے۔

About geopakistan

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>