تازہ ترین
Home / کینیڈا / کینیڈا کے جنگل میں آتشزدگی خطے کی دہشت ناک آگ قرار

کینیڈا کے جنگل میں آتشزدگی خطے کی دہشت ناک آگ قرار

canada_forest_fie

اوٹاوا: کینیڈا کے جنگل میں گذشتہ نو روز سے جاری آتشزدگی کو خطے کی دہشت ناک آگ قرار دے دیا گیا، وحشی آگ سے اب تک کم سے کم 1600 مکان نذر آتش اور ایک لاکھ افراد بے گھر ہوچکے ہیں۔ کم وبیش لبنان کے کل پانچویں حصے کے برابر علاقہ اگ کی لپیٹ میں آچکا ہے۔ آگ پر قابو پانے کی کوششیں جاری ہیں مگر لگتا ہے کہ اس وحشی آگ پر قابو پانے کے لیے ایک ماہ کا عرصہ لگ سکتا ہے۔ عرب ٹی وی کے مطابق امریکی خلائی تحقیقاتی ادارے “ناسا” کے مصنوعی سیاروں کی مدد سے بھی کینیڈا میں لگی آگ کے فضائی مناظر حاصل کیے گئے ہیں جن سے آگ کی ہولناکی کا بہ خوبی اندازہ ہوتا ہے۔ آگ پر قابو پانے کے لیے تمام ریاستی میشنری حرکت میں ہے۔ سینکڑوں فوجی، فائر بریگیڈ کے 500 اہلکار، 88 گاڑیوں، 15 ہیلی کاپٹر، آگ بجھانے کے لیے استعمال ہونے والے 16 طیارے دن رات آگ پر قابو پانے میں مصروف عمل ہیں۔ کینیڈین ذرائع ابلاغ کے مطابق آگ نے اب تک ایک ملین سے زاید درخت جلا ڈالے ہیں۔ ساسکاچوان کے علاقے میں آگ مزید 30 سے 40 کلومیٹر تک پھیلنے کا اندیشہ ہے جب کہ مغربی کینیڈا کے “البرٹا” کا 2000 کلومیٹر کا علاقہ آگ کے نتیجے میں بری طرح برباد ہوچکا ہے۔ جنوب مغربی کینڈا میں لگنے والی آگ کے نتیجے میں اب تک اربوں ڈالر کا نقصان ہوچکا ہے مگر اس کے حقیقی اسباب کا پتا نہیں چلایا جاسکا ہے۔ آگ کی لپیٹ میں آنے والا علاقہ ریتلے صحراءاور تیل کی دولت سے مالا مال ہے۔ “ووڈ بوفالو” کا علاقہ تیل کا مرکز ہے جہاں 6000 لبنانی باشندوں سمیت ہزاروں کی تعداد میں عرب تارکین وطن بھی قیام پذیر ہیں۔

About geopakistan

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>