Wednesday , August 5 2020
تازہ ترین
Home / دنیا / امریکا و برطانیہ سعودی عرب کو اسلحے کی فراہمی روکیں، ایمنسٹی انٹرنیشنل

امریکا و برطانیہ سعودی عرب کو اسلحے کی فراہمی روکیں، ایمنسٹی انٹرنیشنل

477405-amnesty-1458788728-986-640x480

لندن: انسانی حقوق کی بین الاقوامی تنظیم ایمنسٹی انٹرنیشنل نے واشنگٹن اور لندن سے مطالبہ کیا ہے کہ وہ یمن میں ملٹری ایکشن کی سربراہی کرنے والے ملک سعودی عرب کو اسلحے کی ترسیل بند کر دیں تاکہ سویلین ہلاکتوں کو روکا جا سکے۔ایمنسٹی انٹرنیشنل کی طرف سے سعودی سربراہی میں یمن میں شروع کی جانے والی فوجی کارروائی کو ایک سال مکمل ہونے پر بیان جاری کیا گیا ہے۔ انسانی حقوق پر نظر رکھنے والی اس تنظیم نے سویلین جانوں کی زیاں کا سبب بننے والے ہتھیاروں کی بے دھڑک سپلائی کو تنقید کا نشانہ بناتے ہوئے دو مغربی طاقتوں اور دیگر ریاستوں سے مطالبہ کیا ہے کہ وہ ایسے تمام ہتھیاروں کی ترسیل روک دیں جو یمن کے تنازع میں استعمال ہو رہے ہیں۔ایمنسٹی انٹرنیشنل کے ریجنل ڈپٹی ڈائریکٹر جیمز لِنچ نے کہاکہ سعودی عرب اور اس کے بین الاقوامی پارٹنرز نے اس علاقے میں ہتھیاروں کی بھرمار کر کے جلتی پر تیل ڈالا ہے۔ حالانکہ اس بات کے شواہد بڑھ رہے ہیں کہ اس طرح ہتھیاروں کی بہتات سے جرائم بڑھ رہے ہیں اور نئی فراہمی شدید خلاف ورزیوں کا سبب بن سکتی ہے۔

About geopakistan

Leave a Reply

Your email address will not be published. Required fields are marked *

*